लालबकैया खोलामा आएको बाढीले बगाउँदा एकजनाको मृत्यु गएको छ ।  बाढीले बगाएर ल्याएका दाउरा निकाल्न जाने क्रममा कटहरिया नगरपालिका १ भसेडवाका  २५ वर्षीय  बैजु यादवको मृत्यु भएको जिल्ला प्रहरी कार्यालय रौतहटले जनाएको छ ।  

बाढीमा बगेर आएको दाउरा टिप्न जाँदा उनलाई बाढीले बगाएर मृत्यु भएको जिल्ला प्रहरी कार्यालय रौतहटका प्रवक्ता तथा डिएसपी भरत श्रेष्ठले जानकारी दिए ।  मंगलबार पनि चाँदी नदीमा आएको बाढीले बगाएर १ जनाको ज्यान गएको थियो ।