(काठमाडौं) कोरोना भाइरसको संक्रमणलेग्रस्त चीनको हुवे प्रान्तको उहान र त्यसआसपासका नेपालीलाई नेपाल सरकारले स्वदेश फर्काउने तयारी सुरु गरेपछि त्यहाँं रहेका नेपाली विद्यार्थीले नेपालमा आफूहरूलाई आइसोलेसन(अन्य मानिसको सम्पर्कमा जानु नपर्ने बन्दोवस्त )मा राख्ने प्रबन्ध मिलाउन सरकारको ध्यानाकर्षण गराएका छन्। चीनबाट उद्धार गरी नेपाल फर्काइएपछि आफूमध्येबाट स्वदेशी नेपालीमा संक्रमण फैलन नदिन आइसोलेसनमा राख्ने व्यवस्था गर्न उनीहरूले सरकारसँंग माग गरको हुन्। नेपाल सरकारले त्यहाँं रहेका नेपाली फर्काउन फारम भराउने काम सुरु गरी आइतबारभित्र भरिसक्न जानकारी गराइसकेको छ। त्यहाँं करिब एक सय नेपाली रहेको बताइएको छ।

नेपाल फर्किसकेपछि आफूहरू परिवार वा अन्य नेपालीसँंग सम्पर्कमा जाँंदा संक्रमण फैलनसक्ने भएकाले आइसोलेसनको बन्दोवस्त हुनुपर्ने उनीहरूको माग हो। फर्काइएका सबै नेपालीलाई एकैठाउँंमा राख्न नहुने भनाइ पनि उनीहरूको छ। किनकि फर्काइएकामध्ये कोही संक्रमित छ भने उसबाट पनि अन्य फर्काइएका संक्रमित हुनसक्छन्।

उहानमा विद्यावारिधि गर्दै गरेका दिगम्बर खोटेजाले उद्धार गरेर नेपाल फर्काइसकेपछि पनि आफू मात्रै नभई आफना परिवार र सारा नेपाली जनता सुरक्षित होउन् भन्ने त्यहाँं रहेका नेपालीको भनाइ रहेको जनाए। ‘हामीलाई मात्रै उद्धार गरेर भएन, हाम्रा कारणले हाम्रा परिवार र सारा नेपाली जनता सुरक्षित राख्नका लागि हामीलाई सरकारीस्तरबाट नै आइसोलेसनको बन्दोवस्त गरियो भन्ने सजिलो हुन्छ भन्ने यहाँं रहेका नेपालीको भनाइ हो, टेलिफोनमा उनले त्यहाँं रहेका नेपालीको भनाइ उद्धार गर्दै नागरिकसँंग भने। तत्काल परीक्षणको क्रममा लक्षण नदेखिए पनि पछि संक्रमित भएको देखिनसक्ने भएकोले यसप्रति विशेष सतर्कता अपाउनुपर्ने उनीहरूको भनाइ हो। भाइरस संक्रमित नदेखिएको अवस्थामै पनि भाइसर पसिसकेका व्यक्तिबाट अरुलाई संक्रमण हुनसक्ने भएकाले विशेष सतर्कता अपनाउनुपर्ने उनीहरू बताउँंछन्। यसका लागि अस्पताल वा कुनै निश्चित ठाउँंमा उद्धार गरिएका नेपालीलाई एक्लाएक्लै बस्ने बन्दोवस्त हुनसके धेरै राम्रो हुने उनीहरूले सुझाब हो।

तत्काल संक्रमण भएको नदेखिए पनि यसको संक्रमण दुईदेखि १४ दिनभित्र भएको देखिनसक्ने चिकित्सकहरू बताउँंछन्। चीनमा अध्ययनरत रही त्यहाबाट भर्खरै नेपाल फर्केका चिकित्सक डा. राजेन्द्र श्रेष्ठ त्यहाबाट उद्धार गरिएपछि पनि विशेष सतर्कता अपनाउनुपर्ने खाँंचो औंल्याउँंछन्। आफू नेपाल फर्केपछि आफनै घरमा बसे पनि आफू एक्लै नै कोठामा बसी खाना पकाउने, खाने, सुत्नेलगायतका काम गरी सुरक्षित रहेर बसेको बताउने उनले १४ दिनपछि आफू संक्रमित भएको देखिए परिवारका अन्य सदस्य संक्रमित नहोउन् भनेर परिवारसँंग छुटिएर बसेको खुलाए। आफै चिकित्सक डाक्टर भई सचेत भएकाले आफूले यसो गरेको उनले सुनाए।

भाइरसको इन्कुवेसन पिरियड दुईदेखि १४ दिन हो। यसको मतलब कुनै व्यक्ति कोरोना भाइरसबाट संक्रमित भएपछि उनमा घटीमा दुई दिन र बढीमा १४ दिनसम्ममा यो रोगका लक्षण देखा पर्न थाल्छन्। कोरोना भाइरसको डरलाग्दो पक्ष भनेको लक्षण देखिनुपूर्व नै फैलिइसक्नु हो।

यो रोगको मुख्य उदगमस्थल चीनको हुवे प्रान्तको उहान तथा आसपासका क्षेत्र रहे पनि अहिले नेपाललगायत विश्वका विभिन्न मुलुकमा यसको संक्रमण देखिसकेका छन्। हालसम्म भाइरसको कारण २ सय ५९ जनाको मृत्यु भइसकेको जनाइएको छ। साथै यसबाट ११ हजार ७ सय ९१ जना संक्रिमित भएको बताइएको छ।