काठमाण्डौ २१  साउन  ।  कञ्चनपुरको सीमानदी महाकालीमा पानीको बहाव बढेपछि विहानैदेखि नेपाल–भारत जोडने वनवसा पुलमा चार पाङ्ग्रे सवारी साधान सञ्चालनमा रोक लगाइएको छ ।आपतकालीन सञ्चालन केन्द्र महेन्द्रनगरका अनुसार महाकालीमा पानीको बहाव एक लाख १३ हजार क्यूसेक पुगेको जनाएको छ । पुलमा एक लाख क्यूसेक पानीको बहाव पुगेपछि सवारी साधनमा रोक लाग्दै आएको हो ।
 
बिहानैदेखि नदीमा पानीको बहाव उच्च भएपछि पुल खुल्न नसकिएको आपतकालीन सञ्चालन केन्द्रका जनकराज पन्तले बताएकाछन । पुल नखुल्दा यात्रुका सवारी साधन पुल वारी र पारी लाम लागेर बसेका  छन। पैदल यात्रु, साइकल र मोटरसाइकल सवारका लागि भने पुल खुला रहेको छ बताएको छ। 
 
यसैगरी केन्द्रका अनुसार महाकालीको बहाव दार्चुलाको दतुमा ४ दशमवलव ५० मिटर र डडेल्धुराको परिगाँउमा ४ दशमलव ६२ मिटर छ पानीको  बहाव रहेको छ ।