रामेछाप   १२ असार  रामेछाप खाँडादेवी गाउँपालिकाले सित्खादेखि खाँडादेवी मन्दिरसम्म केबलकार निर्माणलाई उच्च प्राथमिता दिएर नीति तथा कार्यक्रममा समावेश गरेको छ  । गाउँपालिकाले  पूँजीको व्यवस्था मिलाउने समेत कार्यक्रममा    खाँडादेवी गाउँपालिकाले समेटिएको छ ।
नीति तथा कार्यक्रममा सित्खा–खाँडादेवी केबलकार निर्माणको डिपिआर तयार भई प्रतिवेदन प्राप्त पश्चात् संघ, प्रदेश, नीजि, गैर सरकारी र सहकारी क्षेत्रको लगानी जुटाउने पहललाई तिव्रता दिने उल्लेख गरिएको छ ।
खाँडादेवी गाउँपालिकाका अध्यक्ष प्रेम बहादुर तामाङले गाउँपालिकाले केबलकार निर्माणको लागि लविङ गर्ने जान्कारी दिएका छन  । ‘केवलकार निर्माणको लागि गाउँपालिकाले यथासम्भव लगानीको प्रारम्भिक विउपूँजीको व्यवस्था मिलाउनेछ’, उनले भने,‘खाँडादेवी केबलकार प्रालिलाई सशक्त रुपमा अघि बढाउन तथा लगानी मैत्री वातावरण निर्माण गर्न कुनै कसर बाँकी राखिने छैन ।’